February 9, 2021

Getuienisse

EGPAAR SEMINARE

“Dit was vir my lekker om te sien hoe die Here die mense om my aanraak. Mense het anders voorgekom aan die einde as aan die begin. Die Here het mense kom red, verhoudings kom herstel en vreugde gebring.”
Morné Steenekamp

“Net weereens besef hoe belangrik die Here in jou lewe is.”
Hermie de Kock

“Ek het besef dat alle belangrike aspekte van my lewe byvoorbeeld geloofsekerheid, vergifnis en ook my huwelik my keuse is en dus ook my verantwoordelikheid.”
Francois de Kock

“Dit was ‘n wonderlike ervaring, ek het nie net weer myself ontdek nie, maar my huweliksmaat ook.”
Sinmaré Cronjé

“Hierdie seminaar het baie areas in ons huwelik vernuwe. Ons het gereedskap ontvang om ‘n beter
huwelik te hê vorentoe.”
Daniel Richards

“’n Nuwe vonk in ons huwelik! Baie dankie!”
Karien Richards


HUWELIKSVOORBEREIDING

“Ek het gedink ek ken my beter helfte, maar na hierdie seminaar sien ek so uit om ‘n huwelik saam hom te begin en te weet ons gaan hier deur kom en ons gaan deur alles kan werk.”
Anoniem

“Die Breinvoorkeure was ongelooflik akkuraat en help om my maat beter te leer ken en te verstaan. Dit het bevryding gebring van skuldgevoelens. Ek kon opnuut myself vergewe en vry word van die skuldgevoelens. Dit het my ongelooflik opgewonde gemaak vir die toekoms en my huwelik.”
Anoniem

“Ek was eers baie skepties om die seminaar by te woon. Dus is ek nou baie bly ek het. Ek het van myself en my maat baie geleer.”
Anoniem

“Alhoewel ons mekaar vir 11 jaar al ken en nou 5 jaar saam is het ek nog nooit so naby aan my maat gevoel nie, die seminaar het my ‘n ander siening oor ons pad saam laat sien en vir my was die seminaar finominaal vir ons verhouding deur saam te werk en nuwe dinge te leer van my maat.”
Anoniem

“Ek en my Maat is en was al deur baie. Ek het soms gevoel ons is nie bedoel vir mekaar nie, maar na hierdie naweek het ek nog nooit so naby aan enige iemand gevoel nie, dit voel amazing, ek het nie gedink ek kan meer lief wees vir hom nie, maar die Here het vir my sekerheid gegee en bewys ek kan elke dag net liewer raak vir hom. Ek het vrede gemaak en vergewe vir als wat my nog kon pla.”
Anoniem

“Goeie bevestiging dat ons op die regte pad is. Saam het ons ‘n paar nuwe goed by geleer.”
Anoniem

“Wonderlike tyd en kosbare sessies saam my verloofde.”
Anoniem


ENKEL SEMINARE

“Die seminaar het my gehlep om mense te vergewe, om myself te vergewe.  Ek het net weereens besef hoe ek GOD in my lewe gemis en nodig het.”
Marisha Marais

“God het meer as net my brein gewas, genees hierdie naweek, my familie, my gesin het hierdie naweek die geleentheid en voorreg ontvang om ook te genees.”
Hanli Meyer

“Ek was ‘n slagoffer van ontrouheid, leuens, verraad, noem dit en ek het dit die afgelope een en ‘n half jaar beleef.  Het my huis, huwelik, werk, gesinseenheid verloor, mamma terminaal versorg in die tyd.  Woede en haat het oorgeneem.  Min het ek geweet dat ek myself in ballingskap gesit het.  Die Heilige Gees het my vrygespreek, nuut gemaak , ek het hoop, Sy liefde is groter as my pyn.”
Nina Marais

“Ek het soveel angs, vrees en depressie beleef weke voor die seminaar.  Gedurende die seminaar het God my aangeraak deur die leiers en die materiaal.  My klein teksversie elke oggend was bevestiging dat God aan die werk was in my.  Ek is bevry.”
Nadine Myburgh

“Deur seer verwerping en twee egskeidings het my hart soos ‘n klip gevoel en kon ek nie regtig emosie toon nie, maar die gevoel is weg, gebreek en ek kon huil en emosie wys sonder verwyte en om weer die verhouding met Jesus te herstel en weer intiem met Hom te verkeer.”
Karen van der Walt

“Ek was so vol angs, woede, vrees, magteloosheid toe ek hier gekom het, van my omstandighede.  Ek voel so vry en rustig en soos ‘n nuwe mens, opgewonde oor God, oor my toekoms, ek is baie dankbaar vir almal wat hulle tyd en liefde ingesit het en gewillig was om hier te wees.”
Anja Setién-Pretorius

“I arrived this weekend with bitterness and anger in my heart – and I was so tired because of it!  The Lord helped me to forgive who I needed to forgive and replaced the bitterness and anger with peace and love – I feel as though I can breathe again!”
Christine Wright

“Ek kon totaal en al rustigheid en vrede kry oor my situasie.  Ek het dit net so oorgegee vir God.  Ek kon my Ma vergewe, iets waarmee ek al lank worstel.  Ek het ongelooflik baie gegroei as ‘n mens.”
Elché Robinson