July 4, 2016

Leiers en Direksie

Stigter lede

Sors en Lida Geldenhuys

Sors en Lida was ’n leeftyd by Lewensverryking Seminare betrokke. Hulle het 5 kinders van die Here ontvang, 4 seuns en ’n dogter. Hulle is ook geseën met 10 kleinkinders en is baie trots op elkeen van hulle. Op 3 Augustus 2018 is Sors deur die Here geroep tot hoër diens en is hy oorlede.

Terwyl Sors as apteker gepraktiseer het, het die Here hom geroep om voltyds in Sy diens te staan. In 1971 begin hulle as predikantspaar in hulle eerste gemeente. Dit het vir hulle ‘n passie geword om in die woorde van Kolossense 3 die Here in alles wat hulle doen, te verheerlik. Vers 17, NLV, Verder doen alles of dit nou met woorde of dade is - asof julle dit namens die Here Jesus doen. Só is julle heeltyd besig om deur Hom dank aan God die Vader te bring.

In 1975 het hulle in ’n nuwe gemeente begin werk waar hulle later in 1980, op aandrang van sakevriende, Lewensverryking Seminare begin het as ‘n firma van die Here.
Hulle was baie gelukkig getroud en as egpaar die seminare aangebied. Hulle twee saam het ‘n sterk span gevorm omdat Sors se swak punte Lida se sterk punte was, en andersom. Hulle het nooit oor ‘n saak besluit as hulle nie saamgestem het en die vrede wat Christus bewerk, die skeidsregter was nie: Verder laat die vrede wat Christus bewerk het, in julle lewe skeidsregter wees... (Kol 3:15 NLV).

Een van Sors se gawes was bemoediging en daar het ons oor die jare, male sonder tal, gesien hoedat die Heilige Gees mense kan heelmaak.

Lewensverryking glo dat hierdie bediening sal voortbestaan tot by die wederkoms van ons Here Jesus Christus. Wat die Bybel betref, Provigil Canada - Woord van God, en ons streef om altyd daaraan gehoorsaam te wees omdat Ps 119:162 sê: Oor u Woord is ek so bly soos iemand wat ‘n groot skat in die hande gekry het.

lida@lewensverryking.co.za

Direksie

Lida Geldenhuys

Ria Wright

Pieter Kruger

Pieter Badenhorst

Joe Gordon