February 9, 2021

Getuienisse

EGPAAR SEMINARE

“Die praktiese raad het baie vir my beteken en ek sal dit toepas om sodoende my huwelik sterkte te
maak.” Anoniem

“Ek het waarlik weer opnuut so baie van die Here geleer. Myself weer gevind as persoon en ook as
vrou vir my man. Ons lewens het hierdie naweek verander! Ek kan nie wag vir die res van ons
lewens saam nie.” Anoniem

“Dit is regtig ‘n ervaring wat my sal by bly en sal mense aanbeveel want almal het die seminaar nodig
in hulle leeftyd.” Anoniem

“Soveel meer as wat ek verwag het. Baie goed weet ons en aanvaar as vanselfsprekend, maar om
iemand dit hardop te hoor sê, saam met ‘n baie treffende grafiese uiteensetting, skuif daar skielik
berge!! Baie dankie vir alles wat julle doen.” Anoniem

“Ek beveel hierdie sterk aan vir mense wat aan hulself EN aan hulle huwelik wil werk, verryk en groei
met die hulp van GOD.” Anoniem

“Die seminaar is baie opbouend – laat mens dieper dink en ook ander perspektiewe sien.” Anoniem

“Fantasties! Openbaringe wat my laat verstaan hoe en wie ek is en wat God se doel met die huwelik
is.” Anoniem


HUWELIKSVOORBEREIDING

“Ongelooflik. Kon baie leer van mekaar. Tools gekry om mekaar beter lief te hê. Vergifnis was
ongelooflik. Seksuele reinheid was convicting en inspirerend om die Here te eer in ons huwelik.
Dankie vir evangelie gesentreerdheid en julle aanbieding en openlikheid.” Anoniem

“Ek het baie geleer en dit baie geniet” Anoniem

“Die seminaar se inhoud is vir my ‘n Toolkit om in die huwelik in te vat.” Anoniem

“Die seminaar was ‘n moeilike belewenis, maar ‘n nodige belewenis. Moeilike goed van myself leer
verstaan en waarop ek attend moet wees in my huwelik. Ongelooflike mense ontmoet, baie goeie
gereedskap gekry om saam te vat en los baie swaar agter.”

“The seminar was a perfect bonding experience with my spouse, just as much with myself and God
and I learnt a lot of good values that I will definitely practice in our marriage and in my future
ahead.” Anoniem

“Dit was baie informative en daar is goed wat ek diep hart toe gevat het. Ons sal alles toepas en
saam ons neem. Ons verhouding is sterker.” Anoniem

“Dit was vir ons ‘n ongelooflike opbouende naweek wat ons altwee se verwagtinge oortref het. Ons
kon dieper delf in hoekom ons mekaar kies en ‘n fondasie kry vir ‘n gelukkige lewe saam. Dit was vir
ons elkeen ook ‘n geleentheid om te deal met onvergifnis vir mense in ons verlede.” Anoniem

“Nuwe maniere om na my maat en ons verhouding te kyk en aan te pak. ” Anoniem

“Het baie beteken! So verrykend, baie geleer! Verstaan dinge soveel beter – sien dinge nou in ‘n
ander lig. Sal dit vir enige iemand voorstel!” Anoniem


ENKEL SEMINARE

Ek is ‘n weduwee, vir twee en ‘n half jaar. Ek was lewensmoeg toe ek by die Enkelverryking Seminaar kom. Ek het twee maande vroeer, meer as honderd skedule vyf pille gedrink. Ek was lank in ‘n koma en op ‘n ventilator, maar God het my die selfdood wonderbaarlik laat oorleef. Tydens die lesings by die seminaar het God saggies met my en in my begin werk en my moee lyf, my verwarde gemoed en rustelose gees aangeraak. In God se arms, teen Sy bors het ek tot rus gekom. Ek kon weer Sy hartklop teen my wang voel. Dankie vir puik lesings onder leiding van die Heilige Gees wat my gehelp het op ‘n moeilike pad, terug na God en om in ‘n nuwe lewe op te staan. Ek kon vind God het my hulpgeroep gehoor. Hy het my uitgetrek uit die put van die dood, letterlik en figuurlik. Hy laat my nou op ‘n rots staan en laat my weer op vaste grond loop. Hy het my ook ‘n nuwe lied in die mond gele, ‘n loflied vir my God ! (Ps 40:2-4). Ek sing : Baie diep haal Hy my uit… Marica Hohls

“Het my Skepper & Vriend & Verlosser Drie Enige God ontmoet en al is ek nog nie daar waar ek
volgens God se plan is nie weet ek dat ek oppad is na waar God my wil hê en gebruik.” Anoniem

“Die seminaar het vir my baie beteken, antwoorde op my vrae gekry.” Anoniem

“Om my weer ‘n kind van God terug te laat draai” Anoniem

“Ek het hierheen gekom totaal gebroke. God het my vrygemaak. Ek gaan van hier af as ‘n nuwe
mens. ‘n Groot las is van my af. Ek hou my oë op Jesus. Ek vertrou Hom volkome met my hele
lewe.”

“Ek het na die seminaar gekom as getroude vrou aan ‘n dooie man. Ek gaan huistoe as God se
bruid.” Anoniem

“In kort: vir die eerste keer in jare kon ek dink aan goed wat ek aan ander gedoen het of wat aan my
gedoen is sonder hartseer, skuldgevoelens of woede. Baie dankie vir julle begeleiding in dit.” Anoniem

“Ek het Pappa Jesus in ‘n ander manier leer ken, my sondes is vergewe. God het iemand in my lewe
in gebring met wie ek face-to-face mee kon praat. My begin pad van my identiteit vind in God.” Anoniem

“Ek was al jare betrokke by ander geestelike kampe en vir die eerste keer ooit voel ek werklik vry en
is my gedagtes skoon gewas. Die seminaar, al is ek verloof was vir my bedoel. Ek het gekom om
my verloofde te ondersteun en ek was die een wat toe eintlik die seminaar nodig gehad het.” Anoniem

“Wat ‘n belewenis was dit vir my. Ek het hier aangekom en vir myself gesê dis okay as dit nie vir jou
is nie klim jy in jou kar en ry. Nou wil ek net hier bly – wat ‘n wonderlike ervaring om weer hoop en
‘n droom te ontdek by die Here – my pyn en wanhoop het hier verander na ‘n nuwe droom.” Anoniem

“Reis van vraagteken tot uitroepteken. Vriendskap met Vader en kry ‘n droom.” Anoniem

“Het hier opgedaag – baie hartseer en stukkend oor die dood van my man. Dit was egter wonderlik
wat ek hier ondervind het. Weereens geloofsekerheid gekry, wonderlike vriende gemaak. Ek is
nogsteeds baie hartseer oor my man, maar voel beter en sien die lig!!” Anoniem

“Hoogtepunt vir my was toe ek tot die besef kom hoe God my elke oomblik sedert 11 jaar gelede
dra, lei, leer en bemagtig sodat ek my roeping/droom wat Hy vir my beplan kan begin verwesenlik” Anoniem

“Ek was verlede jaar by Enkel seminaar. God het my kragdadig aangeraak. Ek moes net weer kom.
Enkelverryking help my om al meer onbevange voort te leef na my man se dood 3 jaar gelede” Anoniem

“Meeste van my seer was alreeds uitgesorteer, maar ek het gekom vir dit wat moontlik nog
aangespreek moet word. So het my skoonouers opgekom en my Mauritius vakansie en kon ek
vrykom van dit.” Anoniem

“Die “instaan” vir my Pa wat afwesig was in my lewe, het vir my baie beteken en my skuldgevoelens
rondom dit weggevat. Ook besef die Here gebruik mense wat swaar gekry het. Baie dankie, die hele
naweek het geoel soos vakansie saam met Jesus!!” Anoniem

“Die seminaar het al my verwagtinge oortref. Ek stap hier weg met ‘n baie sterker geloof en liefde
vir God. My verhouding met Hom was nog nooit so sterk soos nou nie. Weereens dankie aan al die
personeel en my mede seminaargangers.” Anoniem

“Ek het voor die seminaar die Here gevra om rein te word voor Hom. Met die persoonlike sessie kon
ek voel hoe was Hy my skoon. Hy het my ook gewys dat ek myself moet vergewe, Hy is lief vir mens
en los jou nie.” Anoniem

“Heilige Gees het my gewys deur my Groepleier dat ek ‘n “vow” 33 jaar gelede gemaak het en dit het
aanleiding gegee tot my omstandighede.” Anoniem